İranın gücü və regiona təsiri durmadan artır.

Axar.az xəbər verir ki, bu sözləri ABŞ Mərkəzi Kəşfiyyat İdarəsinin rəhbəri Mayk Pompeo söyləyib.

“İran regionda terrorçuluğa sponsorluq edən ən böyük dövlətdir. Onların gücü xüsusən son illərdə çox artıb. Tehran bölgədə hegemon olmaq istəyir”, - o bildirib.

Xatırladaq ki, ABŞ prezidentinin təhlükəsizlik müşaviri Herbert Makmaster də ictimaiyyəti İranın Yaxın Şərqdəki fəaliyyətlərinə mane olmaq üçün səyləri artırmağa çağırmışdı. Makmaster İranı demək olar ki, Yaxın Şərqdəki bütün problemlərin əsas səbəbi kimi göstərmişdi.