Suriyada əsir alınan müxaliflərə qarşı işgəncələri əks etdirən yeni fotolar yayılıb.

Axar.az xəbər verir ki, fotoları əldə edən Türkiyənin "Anadolu Agentliyi" olub. Bir müddət öncə Suriya ordusunun işgəncə verdiyi müxaliflərin fotolarını çəkməklə vəzifələndirilən "Kesar" ləqəbli polis 11 min şəxsə aid 55 min foto ilə ölkədən qaçıb. "Anadolu Agentliyi" həmin şəxsdən fotoların bir qismini əldə edə bilib.

Ortaya çıxan 8 yeni şəkildə gözləri çıxarılan gənclər, bədənində kəsici-deşici alətlərlə izlər açılmış uşaq və qocalar, ac saxlanılan və işgəncə görən qadınlar yer alır.

Fotolar BMT Təhlükəsizlik Şurasının Suriyadakı vəziyyətin Beynəlxalq Cinayət Məhkəməsinə verilməsi ilə bağlı səsvermə keçirməsiylə eyni vaxta düşüb. Lakin Rusiya və Çin məsələnin Beynəlxalq Cinayət Məhkəməsinə verilməsinə veto qoyub.