Filippinin cənubunda yerləşən Kotobato ərazisində prezident mühafizəçilərinə hücum zamanı 7 nəfər xəsarət alıb.

Axar.az xəbər verir ki, bu barədə “Anadolu” agentliyi informasiya yayıb.

Mühafizə əməkdaşları Filippin Prezidenti Rodriqo Dutertenin Kaqayan-de-Oro şəhərinə səfəri öncəsi təhlükəsizliyi yoxlamaq üçün əraziyə gediblər. Hadisə baş verərkən prezident mühafizəçiləri Arakan və Dabao şəhərləri arasında olublar.

Filippinli general Hilbert Qapayın sözlərinə görə, hadisə nəticəsində hər hansı ölüm faktı ilə bağlı məlumat yoxdur.