"Mavi Mərmərə" işinə baxan məhkəmənin İsrailin həmin dövrdə olan Baş qərargah rəisi ilə birlikdə 4 nəfər haqqında həbs qərarına İsraildən münasibət bildirilib.

Axar.az xəbər verir ki, israilli səlahiyyətli nümayəndələrdən biri Türkiyənin bu qərarını "gülünc təxribat" adlandırıb.

Adının açıqlanması istəməyən səlahiyyətli nümayəndə "Əgər türklərin İsrailə vermək istədiyi mesaj budursa, mesaj dəqiq bir şəkildə aydın oldu", - deyib.

İsrail qəzeti "Haaretz" haqqında həbs qərarı çıxarılan 4 generalın Türkiyəyə daxil olacağı halda, həbs ediləcəklərini bildirib.

Həmçinin qeyd edilib ki, əgər İnterpol Türkiyənin bu tələbini qəbul edərsə, İnterpola üzv olan ölkələrdə də bu generalların həbsi gözlənilə bilər.