ABŞ ilk dəfə olaraq Suriyanın cənubunda müxalif qrupla əlaqəsini kəsib.

Axar.az xəbər verir ki, bu barədə danışan ABŞ-ın koalisiya qüvvələrindəki rəsmi nümayəndəsi Raya Dallan bildirib ki, həmin müxalif qrup İŞİD-lə mübarizə aparmaqdan imtina edib.

"Seyyidüş əl-Karyeteyn" adlı qrup Suriyanın cənubunda çalışdığımız tərəfdaşlarımızdan biri idi. Suriya və İraqdakı məqsədimizin yalnız və yalnız İŞİD üzərində qələbə qazanmaq olduğunu dəqiq olaraq danışdıq və tərəfdaşlarımızdan da bu missiyaya sadiq olmalarını tələb etdik. İŞİD üzərində qələbədən fərqli məqsədlərə yönəlmək istəyirlərsə, onlara dəstək verə bilməyəcəyimizi bildirdik. Bu qrupa daha dəstək verməyəcəyik", - Dallan qeyd edib.