"Rusiya ilə qaz qiymətinin razılaşdırıldığı təqdirdə Ukrayna 10 gün müddətində qaza olan borcunu ödəyəcək".

Axar.az xəbər verir ki, bu barədə Ukraynanın Baş naziri Arseni Yaçenyuk açıqlama verib.

Baş nazirin sözlərinə görə, qiymət məsələsində danışıqlar baş tutmasa, Ukrayna Qazpromu məhkəməyə verəcək:

"Əgər Rusiya qiyməti aşağı salsa, biz 10 gün içində bütün borcları qaytaracağıq. Bunu artıq ictimai şəkildə bütün dünyaya bildirmişik. Ümid edirəm ki, Rusiya ilə qaz məsələsində ədalətli və şəffaf şərtlərlə razılığa gələ biləcəyik. Əks halda Ukrayna mayın 29-da Qazpromu əsassız qiymət artımı ilə bağlı olaraq məhkəməyə vermək niyyətindədir".