İraq hakimiyyəti bütün xarici şirkətləri Kürdistan neftindən imtina etməyə çağırıb.

Axar.az xəbər verir ki, bu informasiyanı İraqın Neft Nazirliyi yayıb.

Nazirlik Türkiyə ərazisindən keçərək Avropaya daşınan İraq Kürdüstanı neftinin qanunsuz olduğunu bildirib. Hökumət Türkiyənin vasitəsilə bu yaxınlarda Kürdüstan neftini ölkə ərazisindən çıxaran bütün şirkətləri məhkəməyə verəcəyini vurğulayıb.

Qeyd edək ki, İraq Kürdüstanı ilə Türkiyə arasında 2013-cü ilin noyabrında neftin Avropaya daşınması haqqında müqavilə imzalanmışdı.

Onu da xatırladaq ki, İraq Kürdüstanı həmçinin indiyə qədər neftin satışından onlara gələn gəlirin 17% olmasına etiraz etdiklərini bildirirlər.