Rusiya müxalifətinin öndə gedən simalarından biri Boris Nemtsovun çeçen döyüşçülərin qanunsuz olaraq Ukrayna ərazisinə keçməsi ilə bağlı Federal Təhükəsilik Xidmətinə (FSB) ünvanladığı sorğu Kremldə təşviş yaradıb.

Axar.az xəbər verir ki, Nemtsov bu barədə öz Feysbuk səhifəsində material yerləşdirib. Onun sözlərinə görə, Çeçenistana onlarla meyit gətirilsə də, Ramzan Kadırov hələ də məsələyə lazımı və düzgün cavab vermir:

"Deyirsiniz bunlar könüllülərdir. Mayın 27-də maneəsiz olaraq sərhədi keçən çeçenlər də könüllülərdir? Onda mən FSB-nin, həmçinin digər qurumların rəhbərlərinə müraciət edirəm: Nədən bu şəxslərə qarşı cinayət işi açmırsınız? Əgər etmirsinzsə, deməli onlar kadırovçulardır, Çeçenistan Daxili İşlər Nazirliyinin əməkdaşlarıdır. Görən, Bastrıkin və Bortnikov nə vaxta qədər susacaqlar?"