Həftənin beşinci günü Rusiya Prezidenti Vladimir Putinlə Böyük Britaniya Baş naziri Devid Kemeronun Normandiyada təkbətək görüşü razılaşdırılıb.

Bu barədə jurnalistlərin suallarını cavablandırarkən Putinin mətbuat katibi Dmitri Peskov deyib. Onun sözlərinə görə, Rusiya görüşlərdə istənilən məsələni müzakirə etməyə hazırdır. Əlavə edib ki, digər liderlərlə sadəcə ayaqüstü görüş olacaq.

Peskov qeyd edib ki, əsas müzakirə mövzusu Ukrayna ətrafında cərəyan edən hadisələr olacaq.

Xatırladaq ki, İkinci Dünya Müharibəsi illərində birləşmiş qüvvələrin Normandiyaya gəlişinin 70-ci ildönümünə əksər ölkələrin prezidentləri təşrif buyuracaqlar.