Təyyarələr "Feyrford" bazasına göndərilib.

Axar.az xəbər verir ki, ABŞ Silahlı Qüvvələri Strateji Birliklər Qurumunun mətbuat xidməti tərəfindən verilən açıqlamada nüvə döyüş başlıqları daşıya bilən 3 ədəd B-52 tipli strateji bombardman təyyarəsinin müvəqqəti olaraq Avropaya göndərildiyi bildirilib.

Təyyarələr İngiltərənin Qloucesterşir bölgəsində olan "Feyrford" bazasına göndərilib.

Mətbuat xidmətindən verilən məlumatda iki həftə ərzində bu bazada qalacaq təyyarələrin bu müddət ərzində ABŞ ordusunun Avropanın müəyyən olunmuş bölgəsində bəzi manevr uçuşları həyata keçirməyi planlaşdırdığı qeyd olunub. Bundan əlavə, təyyarələrin şəxsi heyətinin də bazaları tanımasının əhəmiyyətli olduğu bildirilib.