NATO-un iki kəşfiyyat gəmisi - "Elettra" (İtaliya) və "Dyupon-de-Lom" (Fransa) - yaxın günlərdə Rusiya donanmasında hərbi obyektlərin kəşfiyyat siqnallarını yoxlamaq üçün Qara dənizə daxil olacaq.

Axar.az məlumat verir ki, Qara dənizdə hazırda "Syurkuf" və ABŞ-ın "Vella Qalf" gəmiləri var. "Syurkuf" gəmisi Qara dənizin qərb hissəsində, "Vella Qalf" isə Rumıniyanın Konstansa limanınadır.

Möntre konvensiyasına görə, Qara dəniz ətrafında olmayan ölkələrin hərbi gəmiləri Qara dənizdə 21 gündən çox qala bilməz. Bu səbəbdən "Vella Qalf" iyunun 13-dən gec olmamaq şərtilə, "Syurkuf" isə iyunun 18-ə qədər dənizdən çıxacaq. Onları "Elettra" və "Dyupon-de-Lom" əvəzləyəcək.