Polşa Baş naziri Donald Tusk Almaniya Xarici İşlər naziri Frank-Valter Ştaynmayerin Ukrayna barədə dedikləri fikirləri ciddi tənqid edib.

Tusk alman diplomatı hadisələrə düzgün qiymət verməyə çağırıb.

Qeyd edək ki, Ştaynmayer uzun vaxtdan sonra Ukrayna hadisələrindəki irəliləyişi "tunelin sonundakı kiçik bir işığa" bənzətmişdi. Verilən bu bəyantı şərh edən Polşa hökumət başçısı alman diplomatın səsləndirdiyi sözlərlə razılşmadığını bildirib:

"Mən Ştaynmayerin bu optimizmini bölüşmürəm. Almaniyadan fərqli olaraq, biz Ukraynadakı hadisələrin inkişafını tamamilə başqa cür görürük. Bu, son aylarda daha da aydın görünməkdədir. Almaniya Rusiyanın hərəkətlərinə anlayışla yanaşma sərgiləyir. Bizim mövqeyimiz isə başqadır. Ukraynanın şərqində baş verən olayların ünvanını olduğu kimi göstərmək, səsləndirmək lazımdır".