00:35

Ukrayna sərhədlərini keçib Makeyevkaya çatan Rusiya tanklarının Donbas şəhərinə istiqamət aldığı xəbəri gəlib.

Axar.az xəbər verir ki, bu barədə şəhər sakinləri, həmçinin Daxili İşlər naziri Arseni Avakov məlumat yayıb. Şahidlərin dediyinə görə, bir neçə tankdan ibarət avtomobil karvanının önündə Rusiya bayrağı sancılmış BTR yer alıb. Avakov da məsələnin qəlizliyinə işarə edib.

Bir qədər öncə isə "5-ci kanal"ın efirində çıxış edən UDAR partiyasından deputat Sergey Kaplin narahatlığını gizlətməyib. O bildirib ki, rus tanklarının sərhədi keçməsinin adı müharibənin başlanması deməkdir. Kaplin təcili şəkildə Ukrayna hökumətindən təcili addımlar atmağı tələb edib.

Xatırladaq ki, bir neçə saat bundan öncə telefon danışığında Ukrayna Prezidenti Pyotr Poroşenko Rusiya dövlət başçısı Vladimir Putinin diqqətinə tankların hərəkətini yolverilməz saydığını çatdırmışdı.

00:49

Donbas separatçılarının lideri İqor Strelkov da Rusiya işğalını təsdiqləyib. Sevincini gizlətməyən baş separatçı vurğulayıb ki, Rusiyadan gələn tanklar yeni nəsil hərbi texnikadır və döyüş maşınları ən qaynar nöqtələrə göndəriləcək.

​