Türkiyə Xarici İşlər Nazirliyi Kataloniya muxtariyyətinin müstəqillik qərarı ilə bağlı bəyanat yayıb.

Axar.az xəbər verir ki, XİN-nin açıqlamasında bu qərarın doğru olmadığı bildirilib.

“İspaniyanın ərazi bütövlüyünə, konstitusion haqlarına və xalqın iradəsinə hörmət edirik. Kataloniya parlamentinin qərarı İspaniya konstitusiyasının verdiyi imkanlar çərçivəsindən kənardır və ölkənin, eləcə də bölgə əhalisinin tələbini əks etdirmir”, - bəyanatda bildirilib.

Xatırladaq ki, bu gün Kataloniya parlamenti İspaniyadan müstəqilliyin elan olunması haqqında qətnaməni səs çoxluğu ilə təsdiqləmişdi.

Daha sonra İspaniya hökuməti Kataloniya muxtariyyətinin və parlamentinin ləğvi barədə qərar qəbul etmişdi.