ABŞ Prezidenti Con Kennediyə qarşı sui-qəsddən sonra SSRİ Vaşinqtona insidentin araşdırılması üçün öz yardımını təklif edib.

Axar.az xəbər verir ki, bu barədə informasiya Kennedi cinayəti ilə bağlı ABŞ-ın üzərindən məxfilik qrifi götürdüyü sənədlərdə yer alıb. Sənədlərdə olan məlumata əsasən, cinayətdən dərhal sonra SSRİ Vaşinqtona Kennedini öldürən Li Harvi Osvaldla bağlı bir sıra sənədləri verib. O zaman SSRİ-nin Vaşinqtonda səfiri olan Anatoli Dobrınin Dövlət Departamentinə Li Harvi ilə bərabər onun həyat yoldaşı Marina Osvaldın da konsulluq dosyesini göndərib.

Daha sonra isə Vaşinqton Osvaldın Moskvada xəstəxanaya yerləşdirilməsi haqqında sənədləri əldə edib. Bu sənəddə isə Osvaldın SSRİ-də özünü öldürmək istəməsi haqqında məlumat olub.