İyunun 20-də Ukrayna prezidenti Pyotr Poroşenko tərəfindən elan olunmuş formal atəşkəsin vaxtı bitib.

Axar.az məlumat verir ki, ölkənin şərqində hərbi əməliyyatların dayandırıldığı müddətdə sülh razılığı 50 dəfə pozulub və 18 hərbçi ölüb.

İyunun 20-də Poroşenko şərqdə hərbi əməliyyatların dayandırılması haqqında elan verib və ayrılmış "Donetsk və Luqansk Xalq respublikaları"na silahı yerə qoymağı təklif edib.

Prezident bunu etməyənlərin ağır cəzalandırılacağını deyib və hücum olacağı halda hərbiçilərə atəş açmaq, öldürmək haqqı verib.

Poroşenko bir həftəlik müddət başa çatdıqdan sonra bu gün imzaladığı əmrlə atəşkəsin daha 3 gün uzadılmasına qərar verib.