Rusiya "separatçılara dəstək verən ölkə" kimi tanınması qərarıyla razılaşmayıb.

Axar.az xəbr verir ki, ATƏT PA-nin Bakıda keçirilən 23-cü sessiyası çərçivəsində keçirilən plenar iclasın yekun qərarının qəbulu yenə qalmaqalla başlayıb.

İclasın yekun qərarının qəbulu üçün keçirilən səsvermə bir neçə dəfə təkrarlanıb. Səbəb ölkələrin konkret qərara gələ bilməməsidir. Sonda isə qərar qəbul edilib və Rusiya separatçılara dəstək verən ölkə kimi tanınıb.

Bu zaman Rusiya nümayəndə heyəti etiraz edib və Aleksey Puşkov isə qətnaməyə etiraz edib:

"Mən anlamıram siz nə etmək istəyirsiniz. Siz yeni münaqişə yaratmaq istəyirsiz? Biz qətnamənin 10, 11, 12, 13,14,15,16,17-ci maddələrinə etiraz edirik və fikrimizin dinlənməsini istəyirik".

Bundan sonra səsvermə prosesi yenidən başlayıb və müxtəlif ölkələr yenidən fikirlərini bildirib.

Latviyalı deputat Lea Binç qətnamənin silah saxlanılması ilə bağlı olan 2-ci və 3-cu maddələri haqqında məlumat verib:

"Mən başa düşə bilmirəm. Rusiya niyə Balkanlara və Polşa sərhədinə silah yığır. Axı silahı real təhlükə olan zonada yerləşdirmək lazımdır. Nə Balkanlar, nə də Polşa real təhlükə deyil".

Latviyalı deputatın bu şərhi A. Puşkovu danışmağa məcbur edib:

"Siz düz deyirsiniz ki, Polşa hazırda sərhəddə silah saxlamır. Amma dəfələrlə buna cəhdlər edilib. Manevrlər olub".

Fransalı parlamentari Mariya François Bextel Rusiyalı həmkarlarının tərəfini tutaraq məsələyə birtərəfli yanaşıldığını bildirdi:

"Burada məsələyə birtərəfli baxılır. Hamı Rusiyanın təqsirkar, Ukraynanın isə günahsiz olduğunu deyir. Məncə, öncə məsələ araşdırılmalıdır".

Qətnamənin ayrı-yrı maddələri üzrə müzakirələr davam etdiriləndən sonar səsə qoyuldu və 92 lehinə, 27 bitərəf olmaqla qəbul edildi. Azərbaycanlı nümayəndələr səsvermədə iştirak etmədi. Qərarın əleyhinə olanlar açıqlanmadı.

Bu dəqiqələrdə mətbuat konfransı keçirilir.