Rusiya Ukrayna ilə sərhəddə qoşunlarının sayını artırır.

Axar.az xəbər verir ki, bu informasiyanı "Röyter" agentliyi NATO-nun adının çəkilməsini istəməyən yüksək rütbəli zabitinə istinadən yayıb.

Məlumatda Rusiyanın Luqansk ilə sərhəddə qoşunlarının sayını 12000 nəfərə qədər artırdığını deyib. O, həmçinin Rostov əyalətinə xeyli miqdarda BTR və tankların da gətirildiyini bildirib.

Qeyd edək ki, bir müddət öncə Rusiya Qərbin təzyiqləri sayəsində Ukrayna ilə sərhəddə olan qoşunlarının miqdarını 40000-dən 1000-ə endirmişdi.

Onu da xatırladaq ki, dünən ukraynalı hərbi ekspert Dmitri Timçuk bu gün Rusiya qoşunlarının Luqanska daxil ola biləcəyini söyləmişdi. O, artıq bir neçə gündür ki, buraya xüsusi təyinatlı qüvvələrin gətirildiyini də bildirib.