Rusiya Gürcüstana öz diversantlarını göndərib.

Axar.az xəbər verir ki, bu iddia ilə gürcü tarixçisi Nika Maçutadze çıxış edib.

O, Gürcüstanın Rusiyadakı keçmiş səfiri, "Rustavi-2" televiziyasının təsisçilərindən olan Erosiya Kiçmarişvilinin bir müddət əvvəl ölməsi ilə ölkədə rus diversantlarının peyda olmasının heç də təsadüf olmadığını bildirib:

"Bu dəqiqə çox ciddi açıqlama verəcəyəm. Buna görə ölkənin hüquq mühafizə orqanlarına hər zaman informasiya verməyə hazıram. Gürcüstanın əsasən Tiflis, Axalkalaki və Batumi şəhərlərinə rus diversantları göndərilib. Məqsəd isə ölkədə qeyri-stabillik yaradıb, onun suverenliyi və ərazi bütövlüyünü yenidən təhlükə altında qoymaqdan ibarətdir. Mən kifayət qədər etibarlı mənbələrdən bu informasiyanı almışam. Hələlik yalnız bu qədər deyəcəyəm".