İsrail Qəzzada ticarət məhsullarının tək keçid nöqtəsi olan Kərm Əbu-Salam sərhəd məntəqəsini bağlamaq qərarına gəlib.

Axar.az xəbər verir ki, Fələstinin Sərhəd məntəqələri idarəsinin rəhbəri Nəzmi Mihnə verdiyi yazılı açıqlamada İsrailin Qəzzanın cənubundakı Kərm Əbu-Salam sərhəd məntəqəsini təhlükəsizlik səbəbindən bir müddətlik bağlamaq qərarına gəldiyini bildirib.

İsrailin 2006-cı ildən bu yana embarqo altında saxladığı Qəzzada giriş-çıxışların həyata keçirildiyi 7 sərhəd məntəqəsindən Rifah xaric 6-sı İsrailin nəzarətindədir. Qəzzada bundan əvvəl 4 ticarət məntəqəsi 2007-ci ilin iyun ayında bağlanmışdı.

Xatırladaq ki, İsrailin embarqo altında saxladığı Qəzzaya iyulun 7-də başlatdığı "qoruyucu xətt" adlı əməliyyatda ölən fələstinlilərin sayı 226-ya, yaralıların sayı isə 673 minə çatıb.