"Qəzzaya edilən hücumlar daha qəddar olmalı və fələstinliləri ərazidən köçürüb əvəzində yəhudiləri məskunlaşdırmaq lazımdır".

Axar.az xəbər verir ki, bu açıqlama ilə İsrail parlamentinin millət vəkili Moşe Feiqlin çıxış edib. Millət vəkili ordunu mümkün vasitələrdən istifadə edərək Qəzzaya maksimum güclə hücum etməyə çağırıb:

"Ordumuz bölgədəki hədəfləri zərərsizləşdirdikdən sonra Qəzzanı tamamilə fəth etməlidir. Düşmənlə əməkdaşlıq etməyən fələstinlilərə beynəlxalq hüquq normaları çərçivəsində davranılacaq və Qəzzanı tərk etmələrinə icazə veriləcək. Ərazi terrorçulardan təmizləndikdən sonra orada yəhudilər yerləşdiriləcək. Qəzza bizim ölkənin torpağıdır və həmişə də orada qalacağıq".

Qeyd edək ki, millət vəkili ötən həftə fələstinli dializ xəstələrinin qanının israilli əsgərlərin qanından daha qırmızı olmadığını deyərək Qəzzada yerləşən dializ xəstəxanasının işıqlarının kəsilməsini təklif edib.