"Obama yeni "soyuq müharibə"ni başlayan şəxs kimi xatırlanacaq".

Axar.az xəbər verir ki, bu barədə Rusiya parlamentinin Xarici əlaqələr komitəsinin rəhbəri, deputat Aleksey Puşkov özünün Tvitter profilində yazıb.

"Obama tarixdə sülhü dəstəkləyən biri kimi qalmayacaq. Dünya artıq onun Nobel sülh mükafatı almasını unudub. Obama yeni "soyuq müharibə"ni başlayan ABŞ prezidenti kimi xatırlanacaq", - deyə Aleksey Puşkov bildirib.

Xatırladaq ki, ABŞ prezidenti Barak Obama dünən verdiyi açıqlamada Rusiyaya qarşı siyasətlərinin soyuq müharibə olmadığını deyib. O bunu Rusiyanın Ukraynanın öz müqəddəratını həll etmək hüququnu tanımaqdan imtina etməsi kimi qiymətləndirib.