Dövlət katibinin müavini Con Sallivan ABŞ dövlət katibi vəzifəsini müvəqqəti olaraq icra edəcək.

Axar.az xəbər verir ki, bu barədə Dövlət Departamentinin sözçüsü Hizert Noyert məlumat yayıb. O bildirib ki, Senatın təsdiqindən sonra Mayk Pompeo dövlət katibi vəzifəsinin icrasına başlayacaq.

Qeyd edək ki, martın 13-də Prezident Donald Trampın qərarı ilə Reks Tillerson dövlət katibi vəzifəsindən uzaqlaşdırılmışdı. Onun yerinə MKİ-nin keçmiş rəhbəri Mayk Pompeo təyin edilib.

Ötən gün Pompeonun artıq vəzifəsinin icrasına başladığı barədə "Amerikanın səsi" radiosu məlumat yaymışdı. H.Noyertin açıqlaması isə bu faktı təkzib edir.

Pompeonun 9 aprelə qədər təsdiqlənəcəyi ehtimal edilir.