Ukrayna anti-terror qüvvələri Luqanskın 4 rayonundan birini azad ediblər.

Axar.az xəbər verir ki, bu barədə Ukrayna Təhlükəsizlik və Müdafiə Şurasının mətbuat katibi Andrey Lısenko məlumat verib.

Lısenkonun sözlərinə görə, ordu qüvvələri tərəfindən Luqanskın bir rayonu azad edilib və şəhərin mərkəzi uğrunda döyüşlər gedir.

Qeyd edək ki, dünən gecədən etibarən Luqansk uğrunda gərgin döyüşlər başlayıb.

Andrey Lısenko İC TV telekanalında canlı yayımlanan "Svobodı slova" ("Söz azadlığı") verilişində çıxışı zamanı anti-terror əməliyyatlarını aparan hərbçilərin artıq Luqanskın mərkəzini ələ keçirdiklərini bəyan etmişdi.