İran Çinin şərq sahillərində Honkonqun "Kristal" yük gəmisi ilə "Sanci" adlı neft tankerinin toqquşmasında Çin tərəfinin təqsirli olduğunu bildirib.

Axar.az xəbər verir ki, bu barədə İran Yol və Şəhərsalma Nazirliyinin tabeliyindəki Liman və Dənizçilik Qurumunun rəhbəri Nadir Pəsəndidə açıqlama verib.

“Fikrimizcə, qəzanın əsl səbəbi "Kristal" gəmisinin toqquşmadan 15 dəqiqə əvvəl istiqamətini dəyişdirməsidir. Gəminin zabitləri qəzadan əvvəl toqquşma təhlükəsini və xəbərdarlıqları diqqətə almayıblar”, - deyə o bildirib.

Qeyd edək ki, yanvarın 6-da Cənubi Koreyadan yola çıxan "Sanci" adlı neft tankerinin Çinin şərq sahillərində Honkonqun "Kristal" yük gəmisi ilə toqquşması nəticəsində 30-u iranlı, 2-si banqladeşli olmaqla, bütün gəmi heyəti həlak olub.