Almaniyanın nüfuzlu "Der Spigel" jurnalı ABŞ və İngiltərənin Türkiyəni dinlədiyi iddiası ilə çıxış edib.

Axar.az xəbər verir ki, dərgi dinlənilən qurumlar arasında Türkiyənin Vaşinqtonda yerləşən səfirliyinin də olduğunu bildirib.

ABŞ-ın Mərkəzi Kəşfiyyat İdarəsinin (MKİ) Türkiyə haqqında məxfi məlumatları topladığını deyən jurnal bu məlumatların Edvard Snouden tərəfindən ifşa olunduğunu qeyd edib.

Jurnal ABŞ-dan başqa İngiltərənin də Türkiyəni dinlədiyini, ölkədə enerji potensialına dair məlumatları qeyri-qanuni yolla əldə etdiyini ortaya çıxarıb.

Bundan başqa dərgi Türkiyənin ABŞ-la bu sahədə işbirliyini reallaşdırdığını da bildirib.

Belə ki, amerikalılar Türkiyəyə PKK ilə bağlı məlumatları ötürürmüş. Türkiyə də öz növbəsində Rusiya və Ukrayna ilə bağlı gizli məlumatları ABŞ-a verib.