Şimali Atlantika Alyansı Ukraynada baş verən hadisələrlə bağlı qiymətləndirməsində dəyişiklik etmək məcburiyyətində qalıb və təəssüflə Kiyevin müharibəni uduzduğunu açıqlayıb.

Axar.az xəbər verir ki, bu barədə Almaniyanın "Şpigel" dərgisi məlumat dərc edib. Vurğulanıb ki, hələ bir həftə öncə Ukraynanın şərqində baş verən hadisələrlə bağlı qurumda tamam başqa qənaət olub. NATO generalına istinadən verilən xəbərdə hazırda Poroşenkonun önundə daha önəmli məsələ - mümkün qədər Ukrayna hərbçilərinin Rusiyanın ölüm maşınının cəngindən qurtarmaq olduğu bildirilir.

Bu arada NATO kəşfiyyatı hərbi qarşıdurmalarda Rusiyanın müasir silahlarla təchiz olunmuş 20 batalyonunun iştirak etdiyini açıqlayıb.