Separatçılar Ukrayna hərbçilərinin yerləşdiyi Donetsk aeroportunu atəşə tutublar. Hərbçilər də cavabında yaşayış məhəllələrinə atəş açırlar.

Axar.az RİA Novostiyə istinadən xəbər verir ki, bu gün səhər saatlarından Donetsk ətraflarında artilleriyadan atılan yaylım atəşləri eşidilməkdədir. Separatçılar və hərbçilər arasıdakı "artilleriya dueti" dünən axşamdan start götürüb.

Dinc sakinlər arasında ölənlər var. Mərmilərdən biri məktəb binasına düşüb.

Qeyd edək ki, RİA baş verən hadisələrdə birmənalı şəkildə Ukrayna tərəfi günahlandıraraq yazır: "Kiyev hökuməti aprel ayından başlayaraq Ukraynanın şərqində fevraldakı dövlət çevrilişindən narazı olan əhaliyə qarşı hərbi əməliyyatlar aparır. BMT-nin məlumatına görə, aprelin ortalarından avqustun 27-dək 2,5 mindən çox dinc sakin öldürülüb, 6 min nəfərə yaxını isə yaralanıb. Moskva keçirilən əməliyyatları cəza tədbirləri adlandırır və atəşin dayandırlıması üçün beynəlxalq ictimaiyyəti bütün mümkün tədbirləri görməyə çağırır".