"Dünya xəritəsi çoxdan dəyişib".

Bu sözləri Axar.az-a açıqlamasında rusiyalı deputat Roman Hudyakov deyib.

O, Uels sammitindən sonra Qafqazda hansısa dəyişiliklərin olacağına inanmadığını bildirib:

"Uels sammitindən hər şeydən öncə Ukrayna silahlılarına qarşı geniş əməliyyat və atəşkəsin bərpa olunmasını gözləyirik. Dünya xəritəsi "Novorosiya"nın yaradılmasına səs verilən zaman dəyişilmişdi. Bu faktla isə Qərbin axır-əvvəl barışması gərəkəcək. Qafqaza gəlincə isə, düşünmürəm ki, burada nə isə güclü dəyişikliklər olacaq. Hazırda bütün diqqət Ukraynaya yönəlib. Bu, ana böhrandır və mütləq həll etmək lazımdır. Dnestryanı isə artıq çoxdan de-fakto müstəqil dövlətdir. Buranın sakinlərinin əksəriyyəti Rusiyanın bir hissəsi olmaq istəyir".