Vilnüsdəki Rusiya səfirliyi Sovet döyüşçülərinin abidəsinə qarşı vandalizmlə bağlı Litva Xarici İşlər Nazirliyinə nota göndərib və ən qısa müddətdə tədbir görülməsini tələb edib.

Axar.az RİA Novosti-yə istinadla bildirir ki, bu barədə Rusiya XİN-nin saytında məlumat verilib. Məlumatda bildirilir ki, Vilnüsdəki Rusiya səfirliyi günahkarların məsuliyyətə cəlb edilməsini və gələcəkdə bu kimi təxribat xarakterli hallara bir daha yol verilməməsini tələb edib.

Xatırladaq ki, sentyabrın 13-də və 15-də Litvanın Akmyansk rayonunda Böyük Vətən Müharibəsində həlak olmuş Sovet döyüşçülərinin abidələri təhqir edilmişdi (abidələrin üzərinə sarı və yaşıl rəngli boyalar yaxılmışdı).
"Belə hörmətsizlik və həqarətə bəraət yoxdur və ola da bilməz", - deyə nazirlik məsələyə münasibət bildirib.