Donbas vilayətinin Jdanovka şəhərində separatçılığı dəstəkləyən yerli sakinlər tərəfindən Ukrayna bayrağına qarşı böyük hörmətsizlik halı baş verib.

Axar.az-ın Golovne.net-ə istinadən xəbər verir ki, hadisə səhər saatlarında şəhər icra nümayəndəliyinin binası önündə olub.

Qeyd edilib ki, terrorçuların və Rusiyadan gəlmiş döyüşçülərin sonuncu şiddətli müqaviməti nəticəsində Ukrayna ordusunun hərbçiləri və Kiyevin mövqeyini dəstəkləyən məmurların əksəriyyəti Jdanovkanı tərk etmək məcburiyyətində qalıblar. Vəziyyətdən maksimum yararlanan separatçılar binaya daxil olublar və idarənin dam örtüyündən Ukraynanın milli bayrağını yerə atıblar. Hadisədən ruhlanan yerli sakinlər bayraqla ayaqqabılarını siliblər.