"Putinin öz ətrafında icad etdiyi Yeni Rusiya onun üçün problemə çevriləcək".

Axar.az xəbər verir ki, bu barədə "Faynənşl Tayms" ("Financial Times") yazıb. Mətbuat Putinin separatçılara yerinə yetirilə bilməyəcək vədlər verdiyini bildirib:

"Putin tez və ya gec separatçılar üzərində nəzarəti itirəcək və bu zaman Yeni Rusiya layihəsi onun üçün təhlükəyə çevriləcək. Çünki onlara boş və yerinə yetirilməmiş vədlər verir. Rusiya cəmiyyəti yalnız qısa və qələbə ilə bitən müharibəni qəbul edə bilər. Bu cəmiyyət qan tökülməsinə hazır deyil. Yüzlərlə rus əsgərlərinin Ukraynada öldürülməsi və onların Rusiyada gizli dəfn edilməsi onlarda vətənpərvərlik əhval-ruhiyyəsini öldürməyə başlayıb".