Suriyada İŞİD-ə qarşı döyüşən kürd qızı Ceylan Özalpın intihar xəbəri yalan çıxdı.

Axar.az xəbər verir ki, Kobanidə 19 yaşlı "Berivan Sason" kod adlı kürd qızın özünə qəsd etmədiyi bildirilir.

Xaqk Demokratik Partiyasının millət vəkili Ayla Akat Özalpın intihar etmədiyini açıqlayıb. O, kürd döyüşçü qızın sağ olduğunu bildirib.

Türkiyə mətbuatı isə Kobani bölgəsində İŞİD-in mühasirəsinə düşən Batman şəhərindən olan 19 yaşlı Ceylan Özalpın intihar xəbərini yaymışdı.

Onun radioqəbuledicidən son mesajını çiyindaşlarına göndərdiyi qeyd olunmuşdu. Ceylanın İŞİD-in əlinə düşməmək və təcavüzə məruz qalmamaq üçün silahındakı sonuncu gülləni özünə sıxaraq intihar etdiyi bildirilirdi.