"İŞİD-in meydana gəlməsi Vaşinqtonun kövrək İraq cəmiyyətinə müdaxiləsinin yekunudur".

Axar.az İRNA-ya istinadən xəbər verir ki, bu açıqlama ilə amerikalı filosof Nuam Çamski çıxış edib.

O, ABŞ-ın İraqa qarşı siyasətinin doğru olmadığını bildirib:

"Bu cəmiyyət Amerika ilə İngiltərənin onillik ağır sanksiyalarından sonra çətinliklə öz ayaqları üstündə durub. 90-cı illər və ondan sonrakı dövrlər ərzində Amerikanın İraqa qarşı sanksiyaları sərtliyi ilə seçilib. Amerika ilə İngiltərənin sanksiyaları o həddə olub ki, BMT diplomatları onları "soyqırım" adlandırmaqdan çəkinməyiblər. Hazırkı vəziyyət Amerika üçün faciədir. Bu durum Vaşinqtonun İraqı işğalının təbii nəticəsidir. ABŞ və İngiltərənin əsas uğursuz nəticələrindən biri məhz bu ölkələrdəki tayfalar arasında münasibətləri qızışdırmaq olub. Elə bunun yekunudur ki, hazırda döyüşlər müxtəlif regionlara sirayət edib".