"İran xalqı düşmənlər tərəfindən hərbi seçim kimi məsələlərin qaldırılmasından qorxmur".

Axar.az İran mətbuatına istinadən xəbər verir ki, bu sözləri şiə dünyasının nüfuzlu alimi ayətullah Məkarim Şirazi deyib. Alim ölkənin müdafiə məsələlərinin gücləndirildiyini də xatırladıb:

"Yeni nəslin Qiyamət inamı olmalıdır. Bizim bu inamı qoruyub saxlamaqla düşmənlərdən heç bir qorxumuz olmayacaq. Düşməni qorxudan ən mühim vasitə də İran əsgərinin şəhadətsevərliyidir. Ən əsası İŞİD-lə mübarizə üçün təlim keçən şəxslərin Səddam dövrünün əsgərləri ilə çox böyük fərqləri var.

Qərblilər bilirlər ki, onların əsgərləri İraqda psixoloji təzyiqə məruz qalırlar. Onların əksər hissəsi qaçır, intihar edir və yaxud ruhi xəstəliklərə düçar olurlar. İran əsgərləri isə ölümün gözünə dik baxaraq şəhidlik iftixarına nail olur".