Ana səhifə Planet |
Parlamentdə bu gün keçirilən səsvermə onu göstərdi ki, növbədənkənar parlament seçkiləri qaçılmazdır və bunsuz sonrakı addımlar qeyri-mümkündür.
Axar.az xəbər verir ki, bu sözləri Feysbuk hesabından birbaşa yayımda Ermənistanın baş naziri vəzifəsinin icraçısı Nikol Paşinyan bildirib.
Onun sözlərinə görə, parlament çoxluğu (Serj Sərkisyanın rəhbəri olduğu Respublikaçılar Partiyası nəzərdə tutulur – red.) və onun tərəfdarları yenə sabotaj siyasəti aparır.
“Onlar ümid edirlər ki, bu yolla parlament seçkilərində revanş əldə edəcəklər. Ancaq seçkilər hətta qüvvədə olan Seçki Məcəlləsi ilə keçirilsə, yenə də heç nə dəyişməyəcək, çünki xalqın qələbəsi qaçılmazdır. Keçmiş qayırmayacaq”.
O, Ermənistan vətəndaşlarını növbədənkənar seçkilərə hazırlaşmağa və son nəticəyə qədər hakimiyyəti dəyişdirməyə çağırıb.
Qeyd edək ki, bu gün Ermənistan parlamenti Seçki Məcəlləsində dəyişikliyi birinci oxunuşda qəbul etməyib. Belə ki, dəyişikliyə cəmi 58 deputat səs verib. Qanunun qəbulu üçün ən azı 63 səs lazımdır.
Tarix
2018.10.22 / 22:50
|
Müəllif
Kamran Ədalət
|