Ötən gecə naməlum şəxslər "Yeni Rusiya" siyasi hərəkatının liderlərindən Pavel Qubarevin avtomobilinə silahlı hücum təşkil ediblər.

Axar.az Rosbalt.ru-ya istinadən xəbər verir ki, hadisə Rostov-Donetsk yolunda baş verib. Atəş nəticəsində maşın yoldan çıxıb və dirəyə çırpılıb. Yaralanan Pavel Qubarev Rostovdakı xəstəxanalardan birinə yerləşdirilib.

Qubarev bir neçə gün öncə siyasi bəyanat verib. O, Donetsk Xalq Respublikasının lideri olmaq üçün Mərkəzi Seçki Komissiyasına sənədlərini təqdim etmək niyyətindədir.

Xatırladaq ki, bundan öncə, iyunun 2-də də Pavel Qubarevə Donetsk Regional Rəhbərliyini ofisində atəş açılmışdı.