Rusiyanın sağçı Liberal Demokrat Partiyasının sədri Vladimir Jirinovski Moskvanın Yaxın Şərqdə baş verən hadisələrə müdaxilə etməməsini təklif edib.

Axar.az xəbər verir ki, İŞİD-i Qərbin yaratdığını deyən Jirinovskir Rusiyanın əməliyyatlara qoşulacağı təqdirdə yeni düşmən qazanacağını bildirib:

"İŞİD-i Qərb ölkələri yaradıb. Yaxın Şərq proseslərində iştirak etməməliyik. Qoy Qərb nə yaratdığını görsün. Talibanla başlandı. Sonra Əl-Qaidə və indi də İŞİD. Rusiya hadisələrdən kənarda qalmalıdır. Bölgədə ərəb-kürd, türk-kürd və sünni-şiə mübarizəsi var. Digər tərəfdən, proseslərə qoşulsaq, yalnız düşmən qazanacağıq. Özləri həll etsin".