Dünən axşam radələrində Türkiyənin Muğla vilayətinin Marmaris əyalətindəki evlərdən birində baş verən qaz partlayışı 18 hektar ərazidə böyük yanğına səbəb olub.

Axar.az Türkiyə mediasına istinadən xəbər verir ki, Bakı vaxtı ilə saat 7-də meşəyə yaxın evlərdən birində baş verən qaz partlayışı qısa zaman ərzində ağacların alışmasına səbəb olub.

Gecə saatlarına qədər yanğının böyük bir hissəsi söndürülüb. Ən azı 18 hektarlıq meşə ərazisinin yandığı bildirilib.

Yanğın ərazisi olduqca böyük olduğundan, yanğının qarşısını tam almaq mümkün olmayıb.

Hazırda ərazi üçün heç bir ciddi təhlükə yoxdur və yanğınsöndürmə xidmətinin əməkdaşları helikopterlərlə ərazini nəzarətə götürüb.