Bu ilin aprelində vəfat edən Nobel laureatlı yazıçı
Qabriel Qarsiya Markesin gizli vəzifəsi olub.
Axar.az xəbər verir ki, Markesin 90-cı illərdə Kuba və ABŞ
arasında soyuqluğu aradan qaldırmaq üçün vasitəçilik edib.
Amerikalı jurnalistlər Vilyam Qrande ilə Peter Kornbluhun "Kuba
kanalına dönüş" adlı kitabında Markesin bu istiqamətdə fəaliyyətinə
geniş yer verilib.
Kolumbiyalı yazıçı Markes 1994-cü ildə xüsusi təyyarə ilə ABŞ-a
gələrək Klintonla görüşüb. Həyatı boyu sosializm ideologiyasına
sadiq qalan Markes 1994-1998 illərdə ABŞ prezidenti Bill Klinton
ilə yaxın dostu Kuba prezidenti Fidel Kastro arasında vasitəçilik
edib.
Markesin bu vəzifəsi uzun illər ictimaiyyətdən gizlədilib.
Xatırladaq ki, 1994-cü ildə 72 kubalının boğularıq ölməsi və
ABŞ-ın bunu gördüyü halda kömək etməməsi iki ölkə arasında
gərginliyə səbəb olub. Fidel Kastro isə buna qarşılıq olaraq ABŞ
ilə sərhədləri açıb və nəticədə minlərlə kubalı Amerikaya axın
edib. Klinton bundan sonra kubalı qaçqınların həbs edilməsi
qərarını verib. Nəticədə 32 mindən çox kubalı tutularaq Quantanamo
həbsxanasına göndərilib.