ABŞ-ın ikinci böyük siqaret istehsalçısı "Kamel" şirkəti işçilərinə siqaret çəkməyi qadağan edib.

Axar.az xəbər verir ki, qərara görə, bundan sonra şirkət işçiləri büro, konfrans zalları, koridor və liftlərdə siqaret çəkə bilməyəcəklər.

Qadağalar gələn ildən tətbiq olunmağa başlayacaq. Siqaretlə yanaşı siqar və nargilə də qadağan olunub. Yalnız elektron siqaret çəkməyə icazə verilib.

Şirkətin nümayəndəsi Devid Hovard qərarın doğru zamanda verildiyini deyib. O, bildirib ki, siqaret çəkməyən işçilərin hüquqlarına hörmət edilməlidir.