20:49

Parisdə “Sarı jiletlilər” etiraz aksiyaçıları kodlaşdırılmış ismarışlarla hərəkət etdiklərini qeyd ediblər.

Axar.az xəbər verir ki, əvvəlki şənbələrdən fərqli olaraq, toplaşdıqları məkan və aksiyanın istiqamətləri ilə bağlı göstərişləri kodlaşdırılmış ismarışlarla alan aksiyaçılar polisi çətin vəziyyətə salıb. Polis Versal sarayının qarşısına toplaşıb, lakin aksiyaçılar Monmartre məhəlləsinə yığışıblar. Səhər saatlarında paytaxtın şimalında toplaşmış aksiyaçılar günorta Paris meriyasının qarşısına gəliblər. Oradan Yelisey çölləri prospektinə doğru irəliləyirlər. Aksiya dinc şəkildə davam edir.

Parisdə “Sarı jiletlilər” hərəkatının rəhbərlərindən olan Erik Droue ilə yanaşı, 65 aksiyaçı saxlanılıb və onlardan 4-ü müvəqqəti saxlama məntəqəsinə yerləşdirilib.

Fransanın digər şəhərlərində də aksiyaçılarla polis arasında gərginlik yarandığı bildirilir. Aksiyaçılara qarşı gözyaşardıcı qazdan istifadə edilir.

***

Parisdə "Sarı jiletlər" hərəkatının yanacağın qiymətinin qalxması ilə əlaqədar etiraz aksiyaları zamanı 142 nəfər saxlanılıb.