Dünya siyasətində, beynəlxalq əlaqələrdə bəzi əsaslar var ki, dəyişməz qalır. İslam düşmənləri islam coğrafiyasını çox yaxşı öyrəniblər. Sosioloqlar, tarixçilər, teoloqlar Orta Şərq coğrafiyasını bölgələr, mövzular əsasında öyrənib mənimsəyiblər. Buna iki yüz il əvvəldən başlayıblar.

Axar.az xəbər verir ki, bunu “Taymtürkə” açıqlamasında suriyalı kürd alim Mustafa Müslüm deyib.

“Ərəb-islam dünyasının qapısı Misirdir, türk və islam dünyasının ənənəvi qapısı isə Türkiyədir. Misirdən nə girsə, bütün ərəb ölkələrinə yayılacaq. Türkiyədən isə nə girsə bilin ki, qısa zaman sonra bunun nəticəsi özünü ərəb ölkələrindən birində, Pakistanda, İranda göstərəcək. Buna görə də bu iki ölkəyə xüsusilə diqqətlərini artırıblar”, - deyə o bildirib.

Onun sözlərinə görə, Misir Prezidenti Məhəmməd Mursini devirənlər bu gün hədəf olaraq Türkiyə Prezidenti Rəcəb Tayyib Ərdoğanı seçiblər:

“Mursi Misirdə keçirilən şəffaf və demokratik seçki ilə prezident oldu. Onun hakimiyyətə gəlməsindən sonra demokratik təcrübənin bütün ərəb-islam dünyasına yayıldığını gördülər. Buna görə də masonlar, sionistlər və digərləri əl-ələ verib, Mursiyə hücum etdilər. Ərəb dünyasının özünü idarə edə bilməməsi üçün hər cür müharibəyə hazırdırlar. Ona görə də indi bütün gözlər Türkiyənin üzərindədir. Mursini devirib, hədəfə Ərdoğanı qoydular”.