Belarus Prezidenti Aleksandr Lukaşenko Rusiya lideri Vladimir Putinə özünün becərdiyi kartofdan 4 kisə və yerli istehsal olan sala hədiyyə edib.

Axar.az xəbər verir ki, bu barədə Belarus liderinin mətbuat katibi Natalya Eysmont deyib.

“Belarus-1” kanalının bayram çəkilişinə qatılan Eysmont Lukaşenko və Putinin son görüşlərinə toxunub. Bu həftə Lukaşenko və Putin çərşənbə axşamı və şənbə günləri Moskvada görüşüb. Liderlər enerji resurslarının qiymətini, həmçinin İttifaq Dövləti çərçivəsində inteqrasiya məsələlərini müzakirə ediblər.

“Bildiyim qədər, Rusiya prezidenti salanı çox sevir, buna görə də Vladimir Qriqoryeviç ona Belarusun çox dadlı salasını gətirdi”.

Eysmont bildirib ki, kartof və salanın gətirilməsi təsadüfü deyil. Çünki ötən görüşdə Lukaşenko Putindən Belarusdan nə istədiyini soruşub. Putin isə bildirib: “Belarusdan nə xahiş etmək olar? Əlbəttə ki, kartof və sala”.

Eysmont həmçinin bildirib ki, Lukaşenko 6 dekabrda MDB ölkə başçılarının qeyri-rəsmi görüşündə onlara xüsusi əl işi olan yolka şarları hədiyyə edib:

“Administrasiya uzun müddət müxtəlif hədiyyələr üzərində düşündü. Nəhayət, MDB dövlət başçıları üçün unikal yolka şarı hazırlanmasına qərar verildi. İlkin variant Lukaşenkoya daha ağır idi, Lukaşenko onun çəkisini azaltmağı, daha yüngül və bayramsayağı etməyi tapşırdı”.