İŞİD terror qruplaşmasının üzvlərini qidalarına zəhər qatıb öldürüblər.

Axar.az "ANS PRESS"ə istinadən xəbər verir ki, Azad Suriya Ordusunun üsyançı üzvlərindən bir neçəsi İŞİD terror qruplaşmasının düşərgəsinə daxil olub.

Aşpaz qılığında qruplaşmanın içərisinə girən ASO-lular İŞİD-çilərə nahar hazırlanarkən yeməklərinə zəhər əlavə ediblər.

Zəhərlənmə nəticəsində 30-a yaxın terrorçunun halı pisləşib. Onlardan 12-si elə oradaca keçinib. 16 İŞİD-çi isə yaxınlıqdakı xəstəxanalardan birinə çatdırılıb.

Sözügedən düşərgədə mindən artıq silahlının olduğu güman edilir.

Qeyd edək ki, ötən ay da analoji hadisə baş vermişdi. Həmin vaxt isə onlarla İŞİD-çi qəbul etdiyi qidadan zəhərlənmişdi.