Serbiya Baş naziri Alkesandr Vuçiç ilə Albaniya Baş naziri Edi Ramanın birgə keçirdiyi mətbuat konfransında qalmaqal baş verib.

Axar.az xəbər verir ki, Rama serbiyalı həmkarını Albaniyaya dəvət etdikdən sonra ona gözlənilməz təklif edib. Alban Baş nazir həmkarından Kosovanın müstəqilliyinin tanınmasını istəyib.

Kosovanın tanınmasının Balkan bölgəsinə fayda verəcəyini vurğulayan Rama bu reallığı Serbiyanın da qəbul etməsini istəyib.

Bundan sonra Serbiya Baş naziri kürsüyə çıxaraq protokol qaydalarından kənar çıxış etdiyi üçün həmkarını kəskin şəkildə tənqid edib: "Albaniyanın Kosovonın vəkili olmasına imkan vermərik".


Vuçiç Serbiyanın alçaldılmasına imkan verməyəcəyini deyəndən sonra Ramaya əlini uzatmadan mətbuat konfransını tərk edib. Alban nazir isə mətbuat konfransını tək davam etdirib.