Sosial şəbəkələrdə Rusiya Federasiyasının Sverdlovsk ərazisində səmada görünən böyük alovlu kürə ilə bağlı video yayılıb.

ANS PRESS-in məlumatına görə, hadisə şahidləri səmada böyük sarı parıltı gördüklərini deyirlər.

Partlayışa bənzər parıltı bir neçə saniyə ərzində ətrafı işıqlandırıb. Sirli hadisə Rusiyada noyabrın 14-də olub, ancaq yalnız bu gün onun haqqında məlumat yayılıb.

Bir neçə rusiyalının çəkdiyi alovlu parıltını Rusiya Elmlər Akademiyasının meteoritlər üzrə komitə üzvü Vikto Qroxovski meteorun izləri hesab edir.

"Çox güman ki, bu, meteordur. O buludlardan yuxarıda olub. Buna görə belə qeyri-adi hadisə alındı. Bu tamamilə təhlükəli deyil, amma elm üçün çox maraqlıdır".