Rusiya Prezidenti Vladimir Putinin Ukraynaya təcavüzünün arxasında 4 əsas məsələ dayanır.

Axar.az xəbər verir ki, bunu rus politoloq Stanislav Belkovski verdiyi açıqlamasında deyib.

"Fikrimcə bu gün Putinin Ukraynadan 4 istəyi var. Birincisi, Ukraynadan NATO-ya daxil olmayacağı barədə zəmanət almaqdır. Rusiya prezidentinin ikinci arzusu Avropa Birliyinə inteqrasiyanın zəiflədilməsidir", - Belkovski deyib.

Politoloqun fikrincə Putinin üçüncü və dördüncü arzusu Ukrayna ərazisindən Krıma və Dnestryanına quru dəhlizinin açılmasıdır:

"Əgər bütün bunlar həyata keçsə müharibə olmayacaq. Amma Putinə Ukraynanı hər hansı razılaşmaya məcbur etmək üçün Donetsk və Luqanskda platsdarm yaratmaq çox vacibdir. O burada özünü çox arxayın hiss edir, çünki Avropa Birliyi və ABŞ göstərdilər ki, böyük müharibəyə hazır deyillər".