Moskva Rusiya politoloqu Konstantin Simonovun Latviyadan sürgün edilməsini cavabsız qoymayacaq.

Axar.az RİA Novosti-yə istinadən bildirir ki, bu barədə Rusiya XİN-in rəsmi nümayəndəsi Aleksandr Lukaşeviç bəyanat verib.

Noyabrın ortalarında Latviya hökuməti Rusiya Milli Enerji Təhlükəsizliyi Fondunun baş direktoru Simonovu ölkədən çıxarıb. Latviya DİN başçısı Rixard Kozlovskis bunu onunla izah edib ki, politoloq "qara siyahı"ya daxil edilib, çünki o, milli təhlükəsizlikyə təhlükə yaradır. Simonov özü bu qərarı məhkəmədə dartışmaq niyyətindədir.

""Format A3" Beynəlxalq media-klubun dəvətilə Latviya paytaxtına gəlmiş görkəmli rus politoloqunun ölkədən deportasiya edilməsi "tamaşası" öz ölkəsinin "demokratik, hər kəsin öz baxışlarını azad şəkildə bildirməkdə sərbəst olduğunu" sərgilləyən rəsmi Riqanın ikiüzlüyünə daha bir sübutdur", - Lukaşeviç KİV-in suallarını cavablandırarkən deyib.

"Bu sürgün hiddət doğurmaya və şübhəsiz ki, bizim reaksiyamızdan kənar qala bilməz", - deyə rus diplomatı qeyd edib.