Türkiyənin Şanlıurfa bölgəsində polis xüsusi əməliyyat keçirib.

Axar.az xəbər verir ki, əməliyyata səbəb kimi Suriyanın Telabyad bölgəsindən terrorçu bir qrupun ölkəyə daxil olması barədə kəşfiyyat orqanlarından daxil olan məlumat göstərilib.

Əməliyyat zamanı 5 terrorçu saxlanılıb. Terrorçuların üzərindən 12 kiloqram partlayıcı maddə aşkarlanıb. Polis orqanlarında dindirilmə zamanı terrorçular Suriyada kamikadze təlimlərində iştirak etdiklərini, Türkiyəyə sərhəddəki hərbi qüvvələr barədə məlumat toplamaq üçün keçdiklərini və böyük şəhərlərdə silsilə partlayışlar törətməyə hazırlaşdıqlarını bildiriblər.